အိန္ဒိယနဲ့ နီပေါနိုင်ငံတို့ရဲ့ နယ်မြေဒေသအစိတ်အပိုင်းတွေမှာ ချိန်ခါမဟုတ်မိုး သည်းထန်စွာ ရွာသွန်းခဲ့ပြီးနောက် ဧပြီလ ၉ ရက် ဗုဒ္ဓဟူးနေ့ကတည်းက လူပေါင်း ၁၀၀ ကျော် သေဆုံးခဲ့တယ်လို့ တာဝန်ရှိသူတွေ ပြောပါတယ်။ ပြီးခဲ့တဲ့ ၂ ရက်အတွင်း ဘီဟာပြည်နယ်မှာ မိုးရွာသွန်းမှုနဲ့ ဆက်နွှယ်တဲ့ ဖြစ်စဉ်တွေကြောင့် အနည်းဆုံး လူ ၈၂ ယောက်သေဆုံးခဲ့ကြောင်း တချိန်တည်းမှာပဲ အိန္ဒိယနိုင်ငံရဲ့ လူဦးရေအများဆုံးပြည်နယ် အူတာပရာဒက်ရှ်မှာ မိုးကြိုးပစ်ခြင်းနဲ့ မုန်တိုင်းနဲ့ ဆက်စပ်တဲ့ ဖြစ်စဉ်တွေကြောင့် လူ ၁၈ ယောက်သေဆုံးခဲ့ကြောင်း အာဏာပိုင်တွေက ပြောပါတယ်။
