အိန္ဒိယနှင့် နီပေါနိုင်ငံ တို့တွင် မိုးသည်းထန်စွာ ရွာသွန်းမှုကြောင့် ဧပြီလ ၉ ရက်နေ့ မှစတင်ကာ ယခုအထိ သေဆုံးသူ ၁၀၀ နီးပါးရှိပြီဖြစ်ကြောင်း တာဝန်ရှိသူများက ပြောခဲ့ကြပြီး ဒေသတွင်း၌ အချိန်အခါမဟုတ် မိုးရွာသွန်းမှုသည် ပိုများလာနိုင်သည်ဟု မိုးလေဝသဌာနက ခန့်မှန်းခဲ့သည်။ နိုင်ငံ၏ အနောက်ပိုင်းဒေသများတွင် အပူလှိုင်းအခြေအနေများ၊ အရှေ့ပိုင်းနှင့် အလယ်ပိုင်း ဒေသများတွင် မိုးကြိုးမုန်တိုင်းများ ကျရောက်နိုင်ကြောင်း အိန္ဒိယမိုးလေဝသဌာနက ဧပြီလ ၉ ရက်နေ့တွင် နိုင်ငံအတွက် အန္တရာယ်မျိုးစုံ သတိပေးချက်ကိုထုတ်ပြန်ခဲ့သည်။ မိုးနှင့် ဆက်စပ်သော မတော်တဆဖြစ်ရပ်များကြောင့် သေဆုံးသူများ ရှိလာခဲ့ခြင်း ဖြစ်သည်။
