နိုင်ငံသားများ အလုပ်ကမ်းလှမ်းမှုများကို သတိထားရန် အိန္ဒိယသံရုံး ပြော

အွန်လိုင်းငွေလိမ်လုပ်ငန်းများကြောင့် ဒုက္ခရောက်ပြီး ကူညီကယ်ထုတ်ခဲ့ရမှုများရှိသည့်အတွက် အိန္ဒိယနိုင်ငံသား များအနေဖြင့် အလုပ်ကမ်းလှမ်းမှုများကို သတိထားကြရန် မြန်မာနိုင်ငံဆိုင်ရာ အိန္ဒိယသံရုံးက ၂၀၂၅ ခုနှစ်၊ ဧပြီ ၁၁ ရက်တွင် ထုတ်ပြန်ခဲ့သည်။ မြဝတီမြို့(မြန်မာနိုင်ငံ)ရှိ အွန်လိုင်းငွေလိမ်လုပ်ငန်းများတွင် ပိတ်မိနေသည့် အိန္ဒိယနိုင်ငံသား ၃၂ ဦးအား မဲဆောက်(ထိုင်းနိုင်ငံ)မှတဆင့် ဧပြီ ၁၁ ရက်တွင် ပြန်လည်ပို့ဆောင်ခဲ့ကြောင်း အိန္ဒိယသံရုံးက ထုတ်ပြန်ခဲ့သည်။