ငလျင်ဒဏ်ကြောင့် ထိခိုက်ပျက်စီးခဲ့သည့် နေပြည်တော် ပြည်သူဆေးရုံကြီး (ခုတင်-၃၀၀)ကို စနစ်တကျစစ်ဆေးကာ လိုအပ်သည်ကို အသစ်ပြန်လည်တည်ဆောက်ရန် SAC ဥက္ကဋ္ဌ မှာကြား

မန္တလေးငလျင်ကြီးကြောင့် ထိခိုက်ပျက်စီးခဲ့သည့် နေပြည်တော် ပြည်သူ့ဆေးရုံကြီး (ခုတင်-၃၀၀)ရှိ ဆေးကုသဆောင်များနှင့် ဝန်ထမ်းအိမ်ရာများအား စနစ်တကျစစ်ဆေးပြီး ပြုပြင်၍ရသည်များကို ပြန်လည်ပြုပြင်ခြင်းနှင့် အန္တရာယ်ရှိ အဆောက်အဦများကို ဖြိုချဖျက်ဆီးပြီး အသစ်ပြန်လည်တည်ဆောက်ရန် နိုင်ငံတော်စီမံအုပ်ချုပ်ရေးကောင်စီ (SAC) ဥက္ကဋ္ဌ က ယနေ့တွင် အဆိုပါဆေးရုံးသို့ သွားရောက်စစ်ဆေးစဉ် ပြောကြားခဲ့သည်။