ဧပြီလ ၂ ရက်နေ့က ကျိုက်ထိုမြို့နယ်၊ မုက္ခမူကျေးရွာနေ အသက် ၂၀ နှစ်အရွယ် မောင်သီဟစိုးဆိုသူမှာ ၎င်း၏ နေအိမ်တွင်ရှိနေစဉ် လက်နက်ကိုင်အမျိုးသား နှစ်ဦးမှ ဆိုင်ကယ်နှင့် ရောက်ရှိလာပြီး သေနတ်ဖြင့် ပစ်ခတ်သွားကြောင်း ဒေသခံတစ်ဦးက ပြောသည်။အလားတူ ဧပြီလ ၄ ရက်နေ့ ညနေ ၅ နာရီအချိန်ခန့်က ကျိုက်ထိုမြို့နယ်၊ စွပ္ပနူးကျေးရွာ၊ သုဿာန်အနီးတွင် ငါးကန်လုပ်ငန်းရှင် အသက် ၅၀ နှစ်အရွယ် ဦးကျော်အောင် ဆိုသူကို သေနတ်ဖြင့် ပစ်သတ်ခဲ့ကြောင်း သိရသည်။
