နေပြည်တော်အားကစားရုံ အပြင်ဘက်တွင် အမေရိကန်ပြည်ထောင်စုနှင့် ကနေဒါနိုင်ငံကမှ ဆေးပညာအဖွဲ့များ အရေးပေါ်ဆေးရုံဆောက်လုပ်နေ

မြန်မာငလျင်ဘေးသင့် ပြည်သူများကို ကူညီရေးအတွက် ဧပြီလ ၅ ရက်က ဆေးအဖွဲ့များပါဝင်သော ခရစ်ယာန် Samaritan’s Purse အဖွဲ့၏ လေယာဉ်သည် မြန်မာနိုင်ငံသို့ ဆိုက်ရောက်လာခဲ့ခြင်းဖြစ်သည်။ဆေးအဖွဲ့နှင့် အရေးပေါ်ဆေးရုံသည် ခရစ်ယာန် Samaritan’s Purse အဖွဲ့ကဖြစ်ပြီး နေပြည်တော်အားကစားရုံ အပြင်ဘက်တွင် ရွက်ဖျင်တဲများဖြင့် ငလျင်ကြောင့် ဒဏ်ရာရပြည်သူများကို အမြန်ဆုံးကုသမှုပေးနိုင်ရေး စီစဉ်ဆောင်ရွက်လျက်ရှိသည်။အရေးပေါ်ကုသရေးဆေးရုံထဲတွင် ခွဲစိတ်ခန်းနှစ်ခန်းနှင့်အတူ အရေးပေါ်ဆောင်၊ လူနာဆောင်၊ ဓါတ်ခွဲခန်းနှင့် ဆေးပေးခန်းများလည်း ပါဝင်ကြောင်း သိရသည်။