ကျန်းမာရေးဝန်ကြီးဌာနသည် ငလျင်ဘေးသင့်ဒေသများဖြစ်သည့် နေပြည်တော်၊ မန္တလေးတိုင်း ဒေသကြီးနှင့် စစ်ကိုင်းတိုင်းဒေသကြီးတို့တွင် အရေးပေါ်ကျန်းမာရေး စောင့်ရှောက်မှုလုပ်ငန်းများအား ဆောင်ရွက်လျက်ရှိရာ ပူးပေါင်းဆောင်ရွက်လျက်ရှိသည့် နိုင်ငံတကာမှ ကူညီကယ်ဆယ်ရေးအဖွဲ့အစည်းများအနက် အိန္ဒိယနိုင်ငံမှ အရေးပေါ်ဆေးအဖွဲ့သည်(၄-၄-၂၀၂၅)ရက်နေ့နှင့် (၅-၄-၂၀၂၅)ရက်တို့၌ မန္တလေးတိုင်းဒေသကြီး၊ မန္တလေးမြို့၊ ချမ်းမြသာစည်လေယာဉ်ကွင်းဟောင်းတွင် ယာယီဆေးရုံတည်ဆောက်ပြီး ငလျင်ဒဏ်ကြောင့် ထိခိုက်ဒဏ်ရာရရှိသူများအား ဆေးကုသခြင်းလုပ်ငန်းကို ပူးပေါင်းပါဝင်ဆောင်ရွက်လျက်ရှိကြောင်း သိရပါသည်။
