ပြီးခဲ့တဲ့ ၁၅ လက Ishikawa ခရိုင်မှာ အင်အားပြင်းငလျင်လှုပ်ခတ်မှုကြောင့် အိုးအိမ်စွန့်ခွာခဲ့ရသူ ၁၃,၀၀၀ ကျော်ဟာ ယာယီအိမ်ရာတွေမှာ နေထိုင်နေရဆဲ ဖြစ်ပါတယ်။ ၂၀၂၄ ခုနှစ် နှစ်ဆန်းတစ်ရက်နေ့က Noto ကျွန်းဆွယ်မှာ လှုပ်ခတ်ခဲ့တဲ့ ငလျင်ကြောင့် Ishikawa ၊ Toyama နဲ့ Niigata ခရိုင်တွေမှာ လူ ၅၇၀ သေဆုံးခဲ့ပါတယ်။ ခရိုင်အတွင်း အိုးအိမ်စွန့်ခွာခဲ့ရသူတွေအတွက် ယာယီအိမ်ရာ ၆,၈၈၂ လုံး ဆောက်လုပ်ထားပြီး အဲဒီမှာ လူ ၁၃,၆၁၉ ဦး နေထိုင်နေဆဲ ဖြစ်ပါတယ်။ အများစုဟာ တစ်ဦးတည်း နေထိုင်နေကြတဲ့ သက်ကြီးရွယ်အိုတွေ ဖြစ်ကြပြီး လူ့အဖွဲအစည်းနဲ့ ကင်းကွာသွားနိုင်တဲ့ အန္တရာယ်နဲ့ ရင်ဆိုင်နေရတယ်လို့ အရာရှိတွေက ပြောပါတယ်။.
