အမေရိကန် လေကြောင်းလိုင်းရဲ့ လေယာဉ်မှာ မီးခိုးတွေ ထွက်လာလို့ အရေးပေါ် ဆင်းသက်ခဲ့ရ

အမေရိကန် လေကြောင်းလိုင်းရဲ့ လေယာဉ်တစ်စီးဟာ မီးခိုးတွေထွက်လာတဲ့အတွက် အရေးပေါ် ဆင်းသက်ခဲ့ရပြီး ခရီးသည်တွေကို အမြန်ကယ်ထုတ်ခဲ့ရပါတယ်။ American Eagle လေကြောင်းလိုင်းရဲ့ လေယာဉ်ဟာ အင်္ဂါနေ့ နံနက် ၁၀ နာရီ (ရန်ကုန် စံတော်ချိန် ည ၈ နာရီ ဝန်းကျင်)မှာ ဂျော်ဂျီယာမှ Augusta Regional လေဆိပ်ကို ဆင်းသက်စဉ်မှာ အခုလို ဖြစ်ပွားခဲ့တာ ဖြစ်ပါတယ်။ အဲဒီလေယာဉ်ဟာ မြောက်ကယ်ရိုလိုင်းနား မှ Charlotte Douglas လေဆိပ်ကနေ ထွက်ခွာလာတာ ဖြစ်ပါတယ်။ အခု ဖြစ်ရပ်မှာ ထိခိုက်ဒဏ်ရာရသူ မရှိဘဲ အမေရိကန် လေကြောင်း အာဏာပိုင် (FAA) က ဒီဖြစ်ရပ်ကို စုံစမ်းစစ်ဆေးနေပါတယ်။