ထိုင်းရဲ့ ခရီးသွားလုပ်ငန်း ဝန်ကြီးဌာနက ခရီးသွားတွေ အဆင်ပြေစေဖို့အတွက် သမားရိုးကျ စာရွက်စာတမ်း အခြေပြု TM.6 Arrival Form ကို အစားထိုးမယ့် “Thailand Digital Arrival Card “ (TDAC) စနစ်ကို ကြေညာလိုက်ပါတယ်။ TDAC စနစ်ကို မေလ ၁ ရက်နေ့မှာ စတင် ဝန်ဆောင်မှုပေးမှာ ဖြစ်ပြီး ခရီးသွားတွေဟာ ထိုင်းကို မလာခင်မှာ အွန်လိုင်းကနေ ကိုယ်ရေးကိုယ်တာ သတင်းအချက်အလက်တွေကို ဖြည့်စွက်ရမှာ ဖြစ်ပါတယ်။ အဲဒီအတွက် ထိုင်းကို လာရင် လူဝင်မှုကြီးကြပ်ရေးဌာနမှာ လုပ်ဆောင်ရတဲ့ အချိန်တွေကို လျှော့ချနိုင်မှာ ဖြစ်ပြီး မြန်မြန်ဆန်ဆန် ခရီးသွားနိုင်မှာ ဖြစ်ပါတယ်။
