ငလျင်လှုပ်ခတ်မှု အဆိုးဆုံးနိုင်ငံစာရင်းတွင် ထိုင်းမှာ နံပါတ် ၅၉ ဖြစ်

မြန်မာက ၂၀၂၅ ခုနှစ်မှာ ကမ္ဘာ့ ငလျင်လှုပ်ခတ်မှု အဆိုးဆုံးနိုင်ငံစာရင်းမှာ နံပါတ် ၁၇ ရသွားပြီး ထိုင်းနိုင်ငံဟာ အဆင့် ၅၉ မှာ ရှိနေပါတယ်။ ထိုင်းမှာ ဒီနှစ်အတွင်း ငလျင်လှုပ်ခတ်မှု ၅၉ ကြိမ်ရှိခဲ့ပြီး အပြင်းဆုံး အနေနဲ့ ၄.၉ မဂ္ဂနီကျု ရှိပါတယ်။ Earthquakelist.org က ကမ္ဘာ့ ငလျင်လှုပ်ခတ်မှု အများဆုံး နိုင်ငံစာရင်းကို နေ့စဉ် တင်ပေးနေပြီး US Geological Survey နဲ့ European-Mediterranean Seismological Centre တို့ရဲ့ ဒေတာတွေကို အခြေခံကာ တွက်ချက်ထားတာ ဖြစ်ပါတယ်။ နိုင်ငံရဲ့ ၃၀၀ ကီလိုမီတာအတွင်း ရှိတဲ့ ၄ မဂ္ဂနီကျုနဲ့ အထက် ငလျင်တွေကို ထည့်သွင်းတွက်ချက်ထားတာ ဖြစ်ပါတယ်။