စစ်ကိုင်းမြို့ကယ်ဆယ်ရေးမှာ လိုတဲ့နေရာလို၊ ပိုတဲ့နေရာပိုနေလို့ ရေရှည်တွေးပြီး တစ်ပြေးညီအဆင်ပြေအောင် သက်ဆိုင်ရာကတစ်ဆင့် ဝင်ကူမှရမယ်လို့ ဒေသခံတစ်ချို့ဆိုနေ

စစ်ကိုင်းမြို့က ငလျင်ဘေးဒဏ်ကြောင့် ၈၀ ရာခိုင်နှုန်းနီးပါးထိပျက်စီးခဲ့ကာ စားရေရိက္ခာ အခက်အခဲပြဿနာတွေလည်းရှိကြောင်း သတင်းတွေ ပျံ့နှံ့ခဲ့တဲ့အတွက် အခုအခါ သွားလာလို့ ဘေးအန္တရာယ်မဖြစ်နိုင်လောက်တဲ့ နေရာပတ်ဝန်းကျင်တစ်ဝိုက်ကတော့ လှူဖွယ်ပစ္စည်း ရရှိကြလို့ လိုအပ်တာထက် ပိုလျှံနေပြီး သွားလာရအခက်အခဲရှိကြတဲ့ နေရာ၊ မသွားလာရဲကြတဲ့နေရာတွေမှာတော့ ပျက်စီးဆုံးရှုံးထားပေမယ့်လည်း ဘာအကူအညီမှ မရရှိကြဘူးလို့ ရန်ကုန်မြို့က‌နေ ထွက်ခွာကူညီတဲ့ အရန်မီးသတ်တပ်ဖွဲ့မှ စေတနာ့ဝန်ထမ်းတချို့က ဆိုပါတယ်။