ရှမ်းပြည်နယ် အင်းလေးကန်ရှိ ကျေးရွာများတွင်ငလျင်ကြောင့် လျှပ်စစ်မီးဓါတ်တိုင်များ အတော်များများ ပျက်စီးသွား

အင်အားပြင်းငလျင်ဒဏ်ကြောင့်ရှမ်းပြည်နယ်တောင်ပိုင်းညောင်ရွှေမြို့နယ် အင်းလေးကန် ရှိ ကျေးရွာများတွင် လျှပ်စစ်မီး ဓါတ်တိုင်များ အတော်များများ ပျက်စီးသွားခဲ့ပါတယ်။ကျေးရွာများတွင် လျှပ်စစ်မီး ပြန်လည် ရရှိရန် အချိန်ကြာမြင့်ဦးမည်ဟုအင်းလေး ဒေသခံများက သုံးသပ် ပြောဆိုကြသလိုငလျင်ကြောင့်အဓိကအားဖြင့် ကေလာအုပ်စုရှိ ကေလာ ၊စိတ္တ ၊အုန်းပင်၊ ရွှေပြည်သာ၊ ဇရပ်ကြီး ၊ နန်းပန် ရေလယ်၊ နန်းပန် ပေါက်ပါး ၊ ကြာတော၊ အိုင်ထောင့်ကြီး ၊ ရှေ့၀ကြီး ၊ မြောင်း၀ကြီး ၊ သလဲဦးအင်းရွာ၊ အင်းခြံ၊ ညောင်ဝန်း ၊ ကြေးစား (သုံး) ရွာ ၊ ဟဲယာရွာမ၊ ကန်ခေါင်း ၊ အင်းပေါခုံတို့ တွင် အိမ်ခြေပေါင်း ၂၅၆၆ အိမ် ပျက်စီးခဲ့ကြောင်း သိရပါတယ်။အင်းလေးကန်တွင် ကေလာ ကျေးရွာအုပ်စု ရှိ ကျေးရွာပေါင်း (၆) ရွာ မှာ အထိအနာဆုံး ဖြစ်ကာ အိမ်ခြေပေါင်း တစ်ထောင်ကျော် ရှိရာတွင် ၈၅၀ ကျော် ပျက်စီးခဲ့သဖြင့် ၈၅ ရာခိုင်နှုန်းကျော် ပျက်စီးခဲ့ခြင်း ဖြစ်ကြောင်း သိရပါတယ်။