ရီးရယ်လ်အသင်းဟာ ဆိုစီဒက်အသင်းကို အချိန်ပိုမှာအနိုင်ရပြီး စပိန်ကိုပါဒယ်ရေးဖလားဗိုလ်လုပွဲကို တက်နိုင်ခဲ့ပေမယ့် နည်းပြအန်ဆယ်လော့တီက သူ့ရဲ့အသင်းဟာ အမှားတွေအများကြီးလုပ်ခဲ့တယ်လို့ ဝန်ခံခဲ့ပါတယ်။ အန်ဆယ်လော့တီက “ကျနော်တို့ရဲ့ရည်မှန်းချက်အောင်မြင်ခဲ့ပြီး နောက်ထပ်ဗိုလ်လုပွဲကို ရောက်ရှိခဲ့တာပါ။ ကျနော်တို့ဟာ ကောင်းတဲ့ အရာတွေအများကြီးလုပ်ခဲ့သလို အမှားတွေလည်း အများကြီးပြုလုပ်ခဲ့ပါတယ်။ ဒါပေမယ့် အဆုံးမှာ ကျနော်တို့ လုပ်နိုင်ခဲ့ပြီး ဘယ်တော့မှအရှုံးပေးသွားမှာမဟုတ်ဘူး”လို့ ပြောခဲ့တာပါ။
