နီပေါ-မြန်မာ ဒစ်ဂျစ်တယ် အသွင်ကူးပြောင်းမှု ပူးပေါင်းဆောင်ရွက်မှုကိုနေပြည်တော်၌ဆွေးနွေး

မတ် ၂၄ ရက်နေ့တွင် နေပြည်တော်ရှိ Jasmine Nay Pyi Taw Hotel ၌ နီပေါ-မြန်မာ ဒစ်ဂျစ်တယ် အသွင်ကူးပြောင်းမှု ပူးပေါင်းဆောင်ရွက်မှု ဆိုင်ရာ ဆွေးနွေးပွဲကို ကျင်းပခဲ့သည်။ ဆွေးနွေးပွဲတွင် မြန်မာနိုင်ငံတော် ဗဟိုဘဏ်ဥက္ကဋ္ဌက ၂၁ ရာစုခေတ်တွင် စီးပွားရေးနှင့် လူမှုစီးပွားရေးဖွံ့ဖြိုးတိုးတက်မှုအတွက် ဒစ်ဂျစ်တယ် အသွင်ကူးပြောင်းမှုများ ပြုလုပ်ရန် လိုအပ်ကြောင်း ပြောကြားခဲ့သည်။ နီပေါနိုင်ငံမှ တာဝန်ရှိသူများကလည်း ၎င်းတို့၏ ဒစ်ဂျစ်တယ် အသွင်ကူးပြောင်းမှု အခြေအနေများကို တင်ပြခဲ့ကြပြီး တက်ရောက်သူများက အမြင်ချင်း ဖလှယ်ဆွေးနွေးခဲ့ကြသည်။ ၎င်းဆွေးနွေးပွဲမှတစ်ဆင့် နှစ်နိုင်ငံ ပူးပေါင်းဆောင်ရွက်နိုင်သည့် အခွင့်အလမ်းများကို ရရှိစေနိုင်မည်ဟု မျှော်လင့်ရကြောင်း သိရသည်။