ရန်ကုန်တိုင်းဒေသကြီး၊မှော်ဘီ စန္ဒကူးမြိုင်ရိပ်သာကျောင်းတိုက်ဆရာတော်ကို သတ်ဖြတ်ပြီး ဖုန်းနှင့်ငွေများ ယူဆောင်သွားသူ ၅ ဦးကို သက်သေခံပစ္စည်းများနှင့်အတူ ဖမ်းဆီးရမိ

ရန်ကုန်တိုင်းဒေသကြီး၊ မှော်ဘီမြို့နယ်၊ (၂) ရပ်ကွက်ရှိ စန္ဒကူးမြိုင်ရိပ်သာကျောင်းတိုက်တွင် သီတင်းသုံးနေတော်မူသည့် ဆရာတော် ဥူးပညာဝံသ (ခ) ဒေါက်တာဖေဉာဏ် (သက်တော် ၇၅ နှစ်၊ ဝါတော် ၁၅ ဝါ) အား ကျောင်းဆောင်အတွင်း၌ ဓားဒဏ်ရာများဖြင့် ရက်ရက်စက်စက် သတ်ဖြတ်ကာ ဖုန်း ၂ လုံးနှင့် ငွေကျပ် ၅ သိန်းတို့ကို လုယက်ယူဆောင်သွားခဲ့သူ တရားခံ ၅ ဦးအား ဇူလိုင် ၁၁ ရက်တွင် သက်သေခံပစ္စည်းများနှင့်အတူ ဖမ်းဆီးရမိခဲ့ကြောင်း သိရသည်။ ဆရာတော်သည် ဇူလိုင် ၂ ရက် နေ့လယ်ပိုင်းက ငွေကြေးလိုအပ်ချက်ကြောင့် လုယက်လိုသူ အဆိုပါအဖွဲ့၏ သတ်ဖြတ်ခြင်းကို ခံခဲ့ရခြင်းဖြစ်ပြီး၊ လက်ရှိတွင် ပြစ်မှုကျူးလွန်သူများကို သက်ဆိုင်ရာက ဖမ်းဆီးရမိကာ ဥပဒေအရ ထိရောက်စွာ အရေးယူနိုင်ရေး ဆက်လက်ဆောင်ရွက်လျက်ရှိကြောင်း သိရသည်။