စစ်ကိုင်းတိုင်းဒေသကြီး၊ခန္တီးမြို့နယ်၌ မိုးအဆက်မပြတ်ရွာသွန်းမှုကြောင့် ချင်းတွင်းမြစ်ရေမြင့်တက်လာပြီး မြို့ပေါ်နှင့် ကျေးရွာအချို့ရှိ အနိမ့်ပိုင်းရပ်ကွက်များအတွင်းသို့ မြစ်ရေဝင်ရောက်

စစ်ကိုင်းတိုင်းဒေသကြီး၊ ခန္တီးမြို့နယ်တွင် မိုးအဆက်မပြတ် ရွာသွန်းမှုကြောင့် ချင်းတွင်းမြစ်ရေ မြင့်တက်လာရာ မြို့ပေါ်ရပ်ကွက် မြေနိမ့်ပိုင်းများနှင့် ဆင်သေကျေးရွာရှိ နေအိမ်အချို့အတွင်းသို့ မြစ်ရေဝင်ရောက်မှုများ ဖြစ်ပေါ်လျက်ရှိကြောင်း သိရသည်။ လက်ရှိတွင် ချင်းတွင်းမြစ်ရေသည် ခန္တီးမြို့၏ စိုးရိမ်ရေမှတ်ဖြစ်သော ၁,၃၆၀ စင်တီမီတာအောက် ၁,၂၆၀ စင်တီမီတာသို့ ရောက်ရှိနေပြီး၊ ရေဝင်ရောက်နေသည့် အခြေအနေများနှင့် ပေါမိုင်းရပ်ကွက် (အောင်သာနှင့် သာစည်ရပ်) ရှိ ချင်းတွင်းမြစ်ရေထိန်းတံခါး အခြေအနေများကို တာဝန်ရှိသူများက ဇူလိုင် ၁၃ ရက်တွင် ကွင်းဆင်းကြည့်ရှုစစ်ဆေးခဲ့ကြကြောင်း သိရသည်။