ကမ္ဘောဒီးယား ဖနွမ်းပင်မြို့တွင် ကလေးငယ်တစ်ဦး၌ ကြက်ငှက်တုပ်ကွေးရောဂါပိုးပထမဆုံး တွေ့ရှိ

ကမ္ဘောဒီးယားနိုင်ငံ ဖနွမ်းပင်မြို့တော်တွင် အသက် ၁၁ လအရွယ်ရှိ ကလေးငယ်တစ်ဦး၌ H5N1 ကြက်ငှက်တုပ်ကွေး (Bird Flu) ရောဂါပိုး ကူးစက်ခံထားရကြောင်း ကမ္ဘောဒီးယားကျန်းမာရေးဝန်ကြီးဌာနက ထုတ်ပြန်လိုက်သည်။အဆိုပါကလေးငယ်သည် ဖျားခြင်း၊ ချောင်းဆိုးခြင်းနှင့် အသက်ရှူရခက်ခဲခြင်း စသည့် ရောဂါလက္ခဏာများ ပြသခဲ့ပြီးနောက် ဆေးရုံတွင် စစ်ဆေးခဲ့ရာမှ ရောဂါပိုး တွေ့ရှိခဲ့ခြင်းဖြစ်ကာ ၎င်းတို့နေထိုင်ရာ ပတ်ဝန်းကျင်တွင် သေဆုံးနေသည့် ကြက်ငှက်များနှင့် ထိတွေ့မှုရှိခဲ့ကြောင်း စုံစမ်းသိရှိရသည်။ကျန်းမာရေးအာဏာပိုင်များက ၎င်းနှင့် နီးကပ်စွာ ထိတွေ့ခဲ့သူများကို ရှာဖွေဖော်ထုတ်ပြီး ဆေးဝါးကုသမှုများ ပေးလျက်ရှိသည့်အပြင် ဒေသခံများအနေဖြင့် သေဆုံးနေသော သို့မဟုတ် ဖျားနာနေသော ကြက်ငှက်များကို ကိုင်တွယ်ခြင်းမပြုရန် အထူးသတိပေးထားသည်။