ရှမ်းပြည်နယ်၊ ကလောမြို့နယ်၊ ဟဲဟိုးမြို့၊ တီခေါင်တောင်ကျေးရွာအုပ်စု၊ ပေါပဲကျေးရွာအနီးရှိ ပြည်ထောင်စုလမ်းမကြီး မိုင်တိုင်အမှတ် ၈၆/၆ နှင့် ၈၆/၇ အကြားတွင် ဇူလိုင်လ ၁၃ ရက် မွန်းလွဲ ၁ နာရီ ၃၅ မိနစ်အချိန်က ရန်ကုန်မြို့မှ ရပ်စောက်မြို့သို့ မောင်းနှင်လာသော စက်သုံးဆီတင်ယာဉ်တစ်စီး ဘရိတ်ပေါက်၍ တိမ်းမှောက်မှုဖြစ်ပွားခဲ့သည်။အဆိုပါ ဆီတင်ယာဉ်တိမ်းမှောက်မှုသတင်းအရ ဟဲဟိုးနယ်မြေမီးသတ်စခန်းမှ မီးငြှိမ်းသတ်ယာဉ် ၁ စီး၊ သန္ဓေနှင့် အရန်မီးသတ်တပ်ဖွဲ့ဝင်များ သွားရောက်ကာ မီးလောင်မှုမဖြစ်ပွားစေရေးအတွက် အချိန်မီ အအေးပေးခြင်းလုပ်ငန်းများ ဆောင်ရွက်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
