မွန်ပြည်နယ်၊ဘီးလင်းမြစ်ရေ စိုးရိမ်ရေမှတ်ထက် ကျော်လွန်ကာ ရေကြီးနစ်မြုပ်မှုဖြစ်ပွား၍ ရေဘေးကယ်ဆယ်ရေးစခန်း ၉ ခု ဖွင့်လှစ်ပြီး လူဦးရေ ၁၆၀၀ ကျော်ကို ရွှေ့ပြောင်းပေးထား

မွန်ပြည်နယ်၊ ဘီးလင်းမြို့နယ်တွင် မိုးအဆက်မပြတ် ရွာသွန်းမှုကြောင့် ဇူလိုင်လ ၁၂ ရက် မွန်းလွဲပိုင်း တိုင်းထွာချက်အရ ဘီးလင်းမြစ်ရေသည် စိုးရိမ်ရေမှတ် ၁၀၂၂ စင်တီမီတာအထက် ၁၀၂၉ စင်တီမီတာသို့ ၇ စင်တီမီတာ ကျော်လွန်မြင့်တက်လာကာ မြို့ပေါ်ရပ်ကွက် ၄ ခုနှင့် ကျေးရွာအုပ်စု ၂ အုပ်စုတို့တွင် ရေကြီးနစ်မြုပ်မှုများ ဖြစ်ပေါ်လျက်ရှိကြောင်း သိရသည်။ ထိုသို့ ရေကြီးနစ်မြုပ်မှုကြောင့် ရေဘေးသင့်ခဲ့သည့် ဒေသခံပြည်သူများအတွက် မြို့နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့၏ စီစဉ်မှုဖြင့် တပ်မတော်သားများ၊ ရဲတပ်ဖွဲ့၊ မီးသတ်တပ်ဖွဲ့၊ ရပ်ကွက်အုပ်ချုပ်ရေးမှူးများနှင့် လူမှုကူညီရေးအဖွဲ့များ ပူးပေါင်းကာ ယာယီရေဘေးကယ်ဆယ်ရေးစခန်း ၉ ခု ဖွင့်လှစ်ပေးခဲ့ပြီး၊ အိမ်ထောင်စု ၄၂၇ စုမှ လူဦးရေ ၁,၆၂၆ ဦးတို့ကို ဘေးလွတ်ရာသို့ ရွှေ့ပြောင်းနေရာချထားပေးခဲ့သည့်အပြင် ဆန်၊ ရေသန့်၊ ကြက်ဥနှင့် မုန့်ခြောက်/ခေါက်ဆွဲခြောက် စသည့် အရေးပေါ်စားနပ်ရိက္ခာများ ပေးအပ်ကူညီနိုင်ရန် စီစဉ်ဆောင်ရွက်ပေးလျက်ရှိကြောင်း သိရသည်။