စိုက်ပျိုးရေးနှင့် နယ်စပ်လုံခြုံရေး ပူးပေါင်းဆောင်ရွက်မှု မြှင့်တင်ရန် မလေးရှားနှင့် ထိုင်းဝန်ကြီးချုပ်တို့ သဘောတူညီ

မလေးရှားဝန်ကြီးချုပ် အန်ဝါ အီဘရာဟင်မ်နှင့် ထိုင်းဝန်ကြီးချုပ် အနူတင် ချန်ဗီရာကူလ်တို့သည် ထိုင်းဝန်ကြီးချုပ်၏ မလေးရှားနိုင်ငံ နှစ်ရက်ကြာ အလုပ်သဘောခရီးစဉ်အတွင်း တွေ့ဆုံခဲ့ကြပြီး နယ်ပယ်စုံတွင် ပူးပေါင်းဆောင်ရွက်မှု မြှင့်တင်ရန် ကတိပြုခဲ့ကြကြောင်း သိရသည်။ နှစ်နိုင်ငံခေါင်းဆောင်များသည် စိုက်ပျိုးရေး၊ စားနပ်ရိက္ခာဖူလုံရေးနှင့် နည်းပညာဆန်းသစ်တီထွင်မှုများအတွက် နားလည်မှုစာချွန်လွှာ (MoU) ကို လက်မှတ်ရေးထိုးခဲ့ကြသည့်အပြင်၊ အွန်လိုင်းလိမ်လည်မှု၊ လူကုန်ကူးမှု၊ မူးယစ်ဆေးဝါးနှင့် တောရိုင်းတိရိစ္ဆာန်/သစ်မှောင်ခိုကူးမှု စသည့် နိုင်ငံဖြတ်ကျော်ရာဇဝတ်မှုများကို တိုက်ဖျက်ရန် နယ်စပ်စီမံခန့်ခွဲမှုဆိုင်ရာ ပူးပေါင်းဆောင်ရွက်မှုများကို အားကောင်းစေရန် သဘောတူညီခဲ့ကြကာ လာမည့် ၂၀၂၇ ခုနှစ်တွင် နှစ်နိုင်ငံကုန်သွယ်မှု ပမာဏ အမေရိကန်ဒေါ်လာ ဘီလျံ ၃၀ ပြည့်မီရေး ရည်မှန်းချက်အောင်မြင်ရန်အတွက်လည်း ကတိပြုခဲ့ကြကြောင်း သိရသည်။