မြန်မာနိုင်ငံဘောလုံးအဖွဲ့ချုပ် (MFF) ဖူဆယ်နှင့် သဲသောင်ပြင်ကော်မတီက ဦးဆောင်ကျင်းပသည့် Fire Dragon Futsal Championship 2026 ပြိုင်ပွဲကို ရန်ကုန်မြို့ရှိ MFF Futsal Stadium ၌ ဇူလိုင်လ ၁၁ ရက်နေ့က စတင်ကျင်းပခဲ့သည်။ ပြိုင်ပွဲဖွင့်ပွဲအခမ်းအနားသို့ အာရှဘောလုံးအဖွဲ့ချုပ် (AFC) အကြီးတန်း ဒုဥက္ကဋ္ဌ၊ မြန်မာနိုင်ငံဘောလုံးအဖွဲ့ချုပ် (MFF) ဥက္ကဋ္ဌ ဦးဇော်ဇော်နှင့် တာဝန်ရှိသူများ တက်ရောက်ခဲ့ကြသည်။ အဆိုပါပြိုင်ပွဲတွင် အသင်းပေါင်း ၃၂ သင်း ပါဝင်ယှဉ်ပြိုင်ကြမည်ဖြစ်ပြီး ပထမအဆင့်အနေဖြင့် တစ်အုပ်စုလျှင် ၄ သင်းစီဖြင့် အုပ်စု ၄ စု ခွဲကာ ယှဉ်ပြိုင်သွားကြမည်ဖြစ်သည်။ ပြိုင်ပွဲကာလကို ဇူလိုင်လ ၁၁ ရက်နေ့မှ ၂၆ ရက်နေ့အထိ သတ်မှတ်ထားပြီး တစ်ရက်လျှင် အနည်းဆုံး ၅ ပွဲမှ ၇ ပွဲအထိ အဆိုပါ MFF ဖူဆယ်ကွင်း၌ပင် ဆက်လက်ကျင်းပပြုလုပ်သွားမည်ဖြစ်ကြောင်း သိရသည်။
