Ryanair လေယာဉ်ပေါ်၌ ပျံသန်းစဉ် ပြတင်းပေါက်ကျွတ်ထွက်သွားသဖြင့် ခရီးသည်တစ်ဦး အပြင်သို့ လွင့်စင်ထွက်လုနီးပါး ဖြစ်ပွားခဲ့

ဂရိနိုင်ငံမှ ဂျာမနီနိုင်ငံသို့ ပျံသန်းလာသည့် Ryanair လေကြောင်းလိုင်း လေယာဉ်တစ်စင်းသည် ဇူလိုင် ၁၀ ရက်က မြောက်မက်ဆီဒိုးနီးယား ကောင်းကင်ယံအရောက်တွင် အင်ဂျင်အပျက်အစီး ထိမှန်မှုကြောင့် ပြတင်းပေါက် ကျွတ်ထွက်သွားပြီး လေယာဉ်အတွင်း လေဖိအား ရုတ်တရက် လျော့နည်းသွားသည့် အရေးပေါ်ဖြစ်စဉ်တစ်ခု ဖြစ်ပွားခဲ့ကြောင်း သိရသည်။ ထိုသို့ ဖြစ်ပွားစဉ် ပြတင်းပေါက်အနီး ထိုင်နေသည့် ဆားဘီးယားနိုင်ငံသား ခရီးသည်တစ်ဦးမှာ ခေါင်းနှင့် ပခုံးတို့ လေယာဉ်ပြင်ပသို့ ပါရှိသွားခဲ့သော်လည်း ထိုင်ခုံခါးပတ် ပတ်ထားမှုနှင့် ဘေးလူများ၏ ဝိုင်းဝန်းဆွဲယူ ကူညီမှုကြောင့် ဒဏ်ရာအနည်းငယ်ဖြင့် ကံကောင်းစွာ လွတ်မြောက်ခဲ့ပြီး၊ လေယာဉ်သည်လည်း ဂရိနိုင်ငံ လေဆိပ်သို့ ဘေးကင်းစွာ ပြန်လည်ဆင်းသက်နိုင်ခဲ့ကာ ခရီးသည်များအတွက် အစားထိုးလေယာဉ် စီစဉ်ပေးခဲ့ကြောင်း သိရသည်။