ဘန်ကောက် Mega Plaza အနီး ကားလမ်းပြိုကျမှုဖြစ်ပွား၍ လမ်းအချို့ပိတ်ထားပြီး ရှောင်ကွင်းမောင်းနှင်ရန် အသိပေး

ထိုင်းနိုင်ငံ ဘန်ကောက်မြို့ Saphan Lek (Mega Plaza) သို့ သွားသည့် တံတားအနီး Chakkraphet လမ်းပေါ်တွင် ဇူလိုင် ၁၁ ရက်က လမ်းပိုင်းအချို့ ပြိုကျမှုဖြစ်ပွားခဲ့သဖြင့် အာဏာပိုင်များက လမ်းပြင်ဆင်နိုင်ရန် ယာဉ်ကြောနှစ်ကြောကို ပိတ်ထားပြီး ညာဘက်ယာဉ်ကြောတစ်ကြောတည်းသာ ဖွင့်လှစ်ပေးထားကြောင်း သိရသည်။ အဆိုပါ ဖြစ်ပွားရာနေရာသို့ Phra Ratchawang ရဲစခန်းနှင့် သက်ဆိုင်ရာအဖွဲ့အစည်းများက သွားရောက်၍ ယာဉ်ကြောထိန်းသိမ်းခြင်းနှင့် ပြင်ဆင်ခြင်းလုပ်ငန်းများ ဆောင်ရွက်နေပြီး၊ လမ်းပြိုကျရသည့် အကြောင်းရင်းကို ထုတ်ပြန်ထားခြင်း မရှိသေးသော်လည်း ခရီးစဉ်ကြန့်ကြာမှုများ ရှိနိုင်သဖြင့် ယာဉ်မောင်းများအနေဖြင့် တတ်နိုင်သမျှ အဆိုပါဧရိယာကို ရှောင်ကွင်းမောင်းနှင်ကြရန် အသိပေးတိုက်တွန်းထားကြောင်း သိရသည်။