၂၀၂၆ ကမ္ဘာ့ဖလားပြိုင်ပွဲ ကွာတားဖိုင်နယ်ပွဲစဉ်တွင် စပိန်အသင်းသည် ဘယ်လ်ဂျီယံအသင်းကို ၂-၁ ရလဒ်ဖြင့် အနိုင်ယူကာ ဆီမီးဖိုင်နယ်သို့ တက်ရောက်သွားခဲ့ကြောင်း သိရသည်။ ပွဲစဉ်အတွင်း စပိန်အသင်းအတွက် ပွဲချိန် ၂၉ မိနစ်တွင် ဖာဘီယန် ရူးစ်က ဦးဆောင်ဂိုး သွင်းယူခဲ့သော်လည်း ပွဲချိန် ၄၀ မိနစ်တွင် ဘယ်လ်ဂျီယံအသင်းမှ ဒီကက်တဲလဲယားက ချေပဂိုး ပြန်လည်သွင်းယူခဲ့သည်။ သို့သော်လည်း ပွဲပြီးခါနီး ပွဲချိန် ၈၇ မိနစ်တွင် မီကေလ် မာရီနိုက စပိန်အသင်းအတွက် အဖိုးတန်အနိုင်ဂိုးကို သွင်းယူပေးခဲ့ခြင်း ဖြစ်သည်။ ယခုအခါ စပိန်အသင်းသည် မော်ရိုကိုအသင်းကို ၂-၀ ဖြင့် အနိုင်ယူကာ တက်လှမ်းလာသည့် ပြင်သစ်အသင်းနှင့် ဆီမီးဖိုင်နယ်တွင် ထိပ်တိုက်တွေ့ဆုံရတော့မည်ဖြစ်သည်။ လာမင်း ယာမားလ် ဦးဆောင်မည့် စပိန်နှင့် ကီလီယန် အမ်ဘာပေ အားကိုးပြုမည့် ပြင်သစ်တို့၏ အကြိတ်အနယ်ရှိမည့် ဆီမီးဖိုင်နယ် ပွဲကြီးပွဲကောင်းကို လာမည့် ဇူလိုင်လ ၁၄ ရက် (မြန်မာစံတော်ချိန် ဇူလိုင်လ ၁၅ ရက် မနက်အစောပိုင်း ၀၁:၃၀ နာရီ) တွင် ဒဲလတ်စ်ကွင်း (Dallas Stadium) ၌ ကျင်းပသွားမည်ဖြစ်ကြောင်း သိရသည်။
ဘယ်လ်ဂျီယံကို အနိုင်ယူပြီး စပိန် ဆီမီးဖိုင်နယ်တက်၊ ပြင်သစ်နှင့် ပွဲကြီးပွဲကောင်း တွေ့ဆုံမည်
Jul 11 • 9:13 AM
Myanmar
International
Share
 32 |  0 |  0 |  0 |
