မြန်မာ့လက်ရွေးစင် အမျိုးသမီးဘောလုံးအသင်း ဂျပန်နိုင်ငံ၌ ကျင်းပမည့် ၂၀၂၆ အာရှအားကစားပြိုင်ပွဲတွင် ဝင်ရောက်ယှဉ်ပြိုင်ခွင့်ရရှိ

ဂျပန်နိုင်ငံ အိုင်ချီနှင့် နာဂိုယာမြို့တို့တွင် စက်တင်ဘာ ၁၉ ရက်မှ အောက်တိုဘာ ၄ ရက်အထိ ကျင်းပမည့် ၂၀၂၆ အာရှအားကစားပြိုင်ပွဲ (Asian Games) အမျိုးသမီးဘောလုံးပြိုင်ပွဲတွင် မြန်မာ့လက်ရွေးစင် အမျိုးသမီးဘောလုံးအသင်း ဝင်ရောက်ယှဉ်ပြိုင်ခွင့် ရရှိခဲ့ကြောင်း Asian Football ၏ ထုတ်ပြန်ချက်အရ သိရသည်။ အဆိုပါပြိုင်ပွဲတွင် အာဆီယံဒေသမှ ဗီယက်နမ်၊ ဖိလစ်ပိုင်၊ ထိုင်းနှင့် မြန်မာအပါအဝင် အသင်းစုစုပေါင်း ၁၂ သင်း ပါဝင်ယှဉ်ပြိုင်ကြမည်ဖြစ်သည်။ ဗီယက်နမ်နှင့် ဖိလစ်ပိုင်အသင်းတို့မှာ AFC Women’s Asian Cup 2026 ပြိုင်ပွဲရလဒ်အရ တိုက်ရိုက်ဝင်ခွင့်ရရှိခဲ့ခြင်းဖြစ်ပြီး၊ မြန်မာနှင့် ထိုင်းအသင်းတို့မှာမူ အခြားအသင်းအချို့ နုတ်ထွက်သွားခြင်းကြောင့် အစားထိုးဝင်ရောက်ခွင့် ရရှိခဲ့ခြင်းဖြစ်ကြောင်း သိရသည်။