ဗီယက်နမ်နိုင်ငံ ဟနွိုင်းမြို့၏ တိုက်ခန်းအရောင်းဈေးကွက် ကာလကြာရှည်စွာ ဈေးနှုန်းမြင့်တက်ခဲ့ပြီးနောက် အဝယ်ပြန်လည်အေးလာ

ဗီယက်နမ်နိုင်ငံ ဟနွိုင်းမြို့တော်ရှိ တိုက်ခန်း (Apartment) အရောင်းဈေးကွက်သည် ရေရှည်အဆမတန် ဈေးနှုန်းမြင့်တက်ခဲ့ပြီးနောက် လက်ရှိတွင် သိသိသာသာ ပြန်လည်အေးခဲလာပြီး အရောင်းအဝယ် လည်ပတ်မှု နှေးကွေးသွားခဲ့သည်။ ဈေးကွက်အတွင်း ဝယ်လိုအား ကျဆင်းလာခြင်းနှင့် ချေးငွေအတိုးနှုန်း မြင့်မားလာခြင်းတို့ကြောင့် အိမ်ခြံမြေရင်းနှီးမြှပ်နှံသူများနှင့် အိမ်ပိုင်ရှင်များသည် ၎င်းတို့၏ တိုက်ခန်းများကို ယခင်ပေါက်ဈေးများထက် ဗီယက်နမ်ဒေါင် သန်း ၈၀၀ မှ ၁ ဘီလီယံ (အမေရိကန်ဒေါ်လာ ၃၀,၀၀၀ ကျော်) အထိ လျှော့ဈေးပေးကာ ဝယ်သူရှာဖွေနေကြသော်လည်း အဝယ်မရှိသလောက် နည်းပါးနေသည်။ ကျွမ်းကျင်သူများ၏ သုံးသပ်ချက်အရ ယခင်က ကာလတိုအမြတ်ထုတ်ရန် ရည်ရွယ်ပြီး ချေးငွေရယူကာ ဝယ်ယူထားကြသည့် ကစားသမားများသည် ယခုအခါ အတိုးနှုန်းဖိအားများကြောင့် အရှုံးခံကာ ပြန်လည်ရောင်းချနေကြခြင်းဖြစ်ပြီး၊ ဤကဲ့သို့ ဈေးနှုန်းကျဆင်းပြီး ဈေးကွက်ပြန်လည်ချိန်ညှိမှု ဖြစ်ပေါ်နေသည့် အခြေအနေသည် လာမည့် ၆ လမှ ၁၂ လအထိ ဆက်လက်ရှိနေနိုင်ကြောင်း သိရသည်။