မြန်မာနိုင်ငံအတွင်းသို့ တရားမဝင် ဝင်ရောက်လာသော ပြည်ပနိုင်ငံသား ၉ ဦးကို မြဝတီချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများထံ ပြည်နှင်လွှဲပြောင်း

မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား ၉ ဦးကို ၂၀၂၆ ခုနှစ် ဇူလိုင်လ ၇ ရက်နေ့တွင် သက်ဆိုင်ရာနိုင်ငံများထံသို့ စနစ်တကျ ပြည်နှင်လွှဲပြောင်းပေးခဲ့ကြောင်း သိရသည်။ အဆိုပါ လွှဲပြောင်းပေးခဲ့သူများတွင် ဖိလစ်ပိုင်နိုင်ငံသူ ၃ ဦး၊ နီပေါနိုင်ငံသား ၁ ဦး၊ အီသီယိုးပီးယားနိုင်ငံသား ၃ ဦး၊ ယူဂန္ဓာနိုင်ငံသား ၁ ဦးနှင့် ရုရှားနိုင်ငံသား ၁ ဦးတို့ ပါဝင်ပြီး၊ ၎င်းတို့အား ကရင်ပြည်နယ် မြဝတီမြို့ အမှတ် (၂) ထိုင်း-မြန်မာ ချစ်ကြည်ရေးတံတားမှတစ်ဆင့် သက်ဆိုင်ရာ တာဝန်ရှိသူများထံသို့ လွှဲပြောင်းပေးခဲ့ခြင်းဖြစ်ကြောင်း သိရသည်။