လောင်စာဆီပြတ်လတ်မှုကြောင့် ကျူးဘားနိုင်ငံတွင် တစ်နိုင်ငံလုံး လျှပ်စစ်မီးလုံးဝပြတ်တောက်

အမေရိကန်၏ လောင်စာဆီ ပိတ်ဆို့ဖြတ်တောက်မှုနှင့် စွမ်းအင်အကျပ်အတည်းကြောင့် ကျူးဘားနိုင်ငံတွင် လောင်စာဆီအရန်အင်အား နည်းပါးလာပြီး လျှပ်စစ်ဓာတ်အားလိုင်းများ ပျက်စီးယိုယွင်းလာကာ ယခုနှစ်ဆန်းပိုင်းမှစတင်၍ သုံးကြိမ်မြောက်အဖြစ် တစ်နိုင်ငံလုံးအတိုင်းအတာဖြင့် လျှပ်စစ်မီး လုံးဝပြတ်တောက်မှုနှင့် ရင်ဆိုင်နေရကြောင်း ဇူလိုင်လ ၇ ရက်နေ့တွင် သိရသည်။ တနင်္လာနေ့က လူဦးရေ ၁၀ သန်းနီးပါးရှိသော ကျူးဘားတစ်နိုင်ငံလုံး၌ လျှပ်စစ်မီး ပြတ်တောက်သွားခဲ့ခြင်းဖြစ်ပြီး၊ အစိုးရပိုင် လျှပ်စစ်ဓာတ်အားလုပ်ငန်းက ဖြစ်ပွားရသည့် အကြောင်းရင်းကို စုံစမ်းစစ်ဆေးနေဆဲဖြစ်သည်။ ကျူးဘား စွမ်းအင်နှင့် သတ္တုတွင်းဝန်ကြီး ဗီဆင်းတေး ဒီလာအို လီဗီ ကမူ တစ်နိုင်ငံလုံး၌ လျှပ်စစ်ဓာတ်အား အမြန်ဆုံး ပြန်လည်ရရှိစေရန်အတွက် လုပ်ငန်းစဉ်များကို အားသွန်ခွန်စိုက် ဆောင်ရွက်နေကြောင်း ပြောကြားခဲ့သည်။