မြန်မာနှင့် နီကာရာဂွါနိုင်ငံ ဗဟိုဘဏ်ဥက္ကဋ္ဌများ သီးခြားတွေ့ဆုံပြီး နှစ်နိုင်ငံ ဘဏ်လုပ်ငန်းပူးပေါင်းဆောင်ရွက်ရေး ဆွေးနွေး

ရုရှားဖက်ဒရေးရှင်းနိုင်ငံ မော်စကိုမြို့နှင့် စိန့်ပီတာစဘတ်မြို့တို့တွင် ကျင်းပသည့် ငွေရေးကြေးရေးညီလာခံနှင့် ဆက်စပ်အစည်းအဝေးများသို့ တက်ရောက်နေသည့် မြန်မာနိုင်ငံတော်ဗဟိုဘဏ်ဥက္ကဋ္ဌ ဦးဆောင်သော ကိုယ်စားလှယ်အဖွဲ့သည် နီကာရာဂွါနိုင်ငံ ဗဟိုဘဏ်ဥက္ကဋ္ဌနှင့် သီးခြားတွေ့ဆုံဆွေးနွေးခဲ့ကြောင်း သိရသည်။ အဆိုပါ တွေ့ဆုံမှုအတွင်း မြန်မာနိုင်ငံနှင့် နီကာရာဂွါနိုင်ငံတို့အကြား နှစ်နိုင်ငံ ဘဏ်လုပ်ငန်းကဏ္ဍတွင် ပိုမိုပူးပေါင်းဆောင်ရွက်နိုင်မည့် ဆိုင်ရာကိစ္စရပ်များကို အလေးထား အပြန်အလှန် ဆွေးနွေးခဲ့ကြကြောင်း သိရသည်။