ရန်ကုန်တိုင်းဒေသကြီးက အိမ်ရှင်အဖြစ် လက်ခံကျင်းပသည့် ၂၀၂၆ ခုနှစ် တိုင်းဒေသကြီးနှင့် ပြည်နယ် စားပွဲတင်တင်းနစ်ပြိုင်ပွဲ သုဝဏ္ဏ၌ စတင်

၂၀၂၆ ခုနှစ် တိုင်းဒေသကြီးနှင့် ပြည်နယ် စားပွဲတင်တင်းနစ်ပြိုင်ပွဲ ဖွင့်ပွဲအခမ်းအနားကို ဇူလိုင်လ ၆ ရက် နံနက်ပိုင်းက အိမ်ရှင်အဖြစ် လက်ခံကျင်းပသည့် ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်ရှိ အမျိုးသားအားကစားပြိုင်ပွဲရုံ (၁) သုဝဏ္ဏ၌ ကျင်းပခဲ့ကြောင်း သိရသည်။ အဆိုပါပြိုင်ပွဲကို ဇူလိုင်လ ၆ ရက်မှ ၁၀ ရက်အထိ ကျင်းပသွားမည်ဖြစ်ပြီး အမျိုးသားအသင်း ၁၃ သင်းနှင့် အမျိုးသမီးအသင်း ၁၂ သင်းတို့မှ ကစားသမားစုစုပေါင်း ၁၅၆ ဦး ဝင်ရောက်ယှဉ်ပြိုင်ကြမည် ဖြစ်သည်။ ဖွင့်ပွဲအခမ်းအနားအပြီးတွင် အမျိုးသားနှင့် အမျိုးသမီး နှစ်ယောက်တွဲ ပွဲစဉ်များအဖြစ် ပဲခူးတိုင်းနှင့် စစ်ကိုင်းတိုင်း၊ မန္တလေးတိုင်းနှင့် မွန်ပြည်နယ်၊ ချင်းပြည်နယ်နှင့် နေပြည်တော်၊ ရှမ်းပြည်နယ်နှင့် ကရင်ပြည်နယ်အသင်းတို့ စတင်ယှဉ်ပြိုင်ကစားခဲ့ကြကြောင်း သိရသည်။