စင်ကာပူနိုင်ငံက လာမည့်နှစ်တွင် အရှေ့တီမောလုပ်သားများကို လုပ်ငန်းကဏ္ဍအချို့၌ စတင်လက်ခံမည်ဟု ဝန်ကြီးချုပ် လောရင့်စ်ဝေါင်း ကြေညာ

စင်ကာပူနိုင်ငံအနေဖြင့် လာမည့်နှစ်တွင် အရှေ့တီမောနိုင်ငံမှ အလုပ်သမားများအတွက် ရွေးချယ်ထားသည့် လုပ်ငန်းကဏ္ဍများနှင့် အသက်မွေးဝမ်းကျောင်းလုပ်ငန်းအချို့ကို ဖွင့်လှစ်ပေးသွားမည်ဖြစ်ကြောင်း စင်ကာပူဝန်ကြီးချုပ် လောရင့်စ်ဝေါင်းက ကြေညာခဲ့သည်။ အရှေ့တီမောနိုင်ငံ မြို့တော်ဒီလီတွင် ပြုလုပ်ခဲ့သည့် အရှေ့တီမောဝန်ကြီးချုပ် ရှာနာနာ ဂတ်စ်မ နှင့် ပူးတွဲသတင်းစာရှင်းလင်းပွဲ၌ ဝန်ကြီးချုပ် လောရင့်စ်ဝေါင်းက ယခုကဲ့သို့ ထည့်သွင်းပြောကြားခဲ့ခြင်းဖြစ်ပြီး၊ ယခုလုပ်ဆောင်ချက်သည် အရှေ့တီမောနိုင်ငံသားများအတွက် အခွင့်အလမ်းသစ်များ ဖန်တီးပေးနိုင်မည့်အပြင် နှစ်နိုင်ငံအကြား စီးပွားရေးနှင့် ပြည်သူအချင်းချင်း ဆက်ဆံရေးကိုလည်း ပိုမိုခိုင်မာစေမည်ဖြစ်ကြောင်း သိရသည်။