အမေရိကန်တိုက်စစ်မှူး ဘာလိုဂန်၏ တစ်ပွဲပယ်ပြစ်ဒဏ်ကို ဖီဖာပယ်ဖျက်၊ ဘယ်လ်ဂျီယံနှင့်ပွဲတွင် ပြန်လည်ပါဝင်နိုင်မည်

အမေရိကန်တိုက်စစ်မှူး ဖိုလာရင် ဘာလိုဂန်၏ အနီကတ်ကြောင့် ကျခံထားရသည့် တစ်ပွဲပယ်ပြစ်ဒဏ်ကို အပြည်ပြည်ဆိုင်ရာဘောလုံးအဖွဲ့ချုပ် (FIFA) က ပြန်လည်သုံးသပ်ကာ ပယ်ဖျက်ပေးလိုက်သဖြင့် လာမည့် ဘယ်လ်ဂျီယံအသင်းနှင့် ကမ္ဘာ့ဖလား ၁၆ သင်းအဆင့်ပွဲစဉ်တွင် ပြန်လည်ပါဝင်ကစားခွင့် ရရှိသွားကြောင်း သိရသည်။ လက်ရှိပြိုင်ပွဲ၌ သုံးဂိုးသွင်းယူထားသော ဘာလိုဂန်သည် ဘော့စနီးယား-ဟာဇီဂိုဗီးနားအသင်းနှင့် ကစားခဲ့သည့် ၃၂ သင်းအဆင့်ပွဲစဉ်တွင် အနီကတ်ပြထုတ်ပယ်ခံခဲ့ရခြင်း ဖြစ်သည်။ ယခု ဖီဖာ၏ ဆုံးဖြတ်ချက်အပေါ် အမေရိကန်သမ္မတ ဒေါ်နယ်ထရမ့်ပ်က ကြိုဆိုကြောင်း ပြောကြားခဲ့သော်လည်း ဘယ်လ်ဂျီယံဘောလုံးအဖွဲ့ချုပ် (RBFA) နှင့် နည်းပြ ရူဒီဂါစီယာတို့ကမူ အံ့အားသင့်မိကြောင်း ဝေဖန်ပြောဆိုခဲ့ကြသည်။