မေထက်လူ ပညာရေးနှင့် လုပ်ငန်းတာဝန်များကြောင့် ဧရာဝတီ FC ၏ လာမည့်ပွဲစဉ် ၃ ပွဲ လွဲချော်မည်

ဧရာဝတီ FC အမျိုးသမီးအသင်းမှ ကစားသမား မေထက်လူသည် ပညာရေးနှင့် ကွင်းပြင်ပလုပ်ငန်းတာဝန်များကြောင့် လာမည့် လိဂ်ပွဲစဉ် (၄)၊ (၅) နှင့် (၆) တို့တွင် အသင်းအတွက် ပါဝင်ကစားနိုင်မည်မဟုတ်ကြောင်း အသင်းက တရားဝင် ထုတ်ပြန်ကြေညာလိုက်သည်။ မေထက်လူသည် လက်ရှိတွင် ပြည်ပ၌ ပညာသင်ကြားနေပြီး မြန်မာနိုင်ငံနှင့် အချိန်ကွာဟမှုရှိခြင်း၊ အသင်းသို့မရောက်မီကတည်းက စီစဉ်ထားသည့် လုပ်ငန်းတာဝန်များနှင့် တိုက်ဆိုင်နေခြင်းတို့ကြောင့် အဆိုပါပွဲစဉ်များကို အပြည့်အဝ အာရုံစိုက်ရန် ခက်ခဲနေခြင်း ဖြစ်သည်။ ဧရာဝတီ FC အနေဖြင့် ကစားသမားများ၏ ရေရှည်ပညာရေးနှင့် ဘဝတိုးတက်ရေးကို အားပေးပံ့ပိုးသည့် မူဝါဒအတိုင်း မေထက်လူ၏ ပညာရေးနှင့် လုပ်ငန်းတာဝန်များ အဆင်ပြေစေရန် နားလည်ညှိနှိုင်းပေးခဲ့ကြောင်း သိရသည်။