ဂျပန်အစိုးရက အရေးပေါ်ရဟတ်ယာဉ်မှူးများ လေ့ကျင့်ရေးစရိတ်အတွက် ထောက်ပံ့ကူညီရန် စီစဉ်နေ

ဂျပန်အစိုးရသည် မီးငြှိမ်းသတ်ရေး၊ သဘာဝဘေးအန္တရာယ် ကယ်ဆယ်ရေးနှင့် ဆေးဘက်ဆိုင်ရာ အရေးပေါ်ကယ်ဆယ်ရေး ရဟတ်ယာဉ်မှူးများ၏ လေ့ကျင့်ရေးစရိတ်များကို ဘဏ္ဍာရေးအရ ကူညီထောက်ပံ့ပေးရန် စဉ်းစားလျက်ရှိသည်။ လက်ရှိတွင် ရဟတ်ယာဉ်မှူးများ အသက်ကြီးရင့်လာခြင်းနှင့် အနာဂတ်တွင် ရဟတ်ယာဉ်ပျံသန်းမှု ဝန်ဆောင်မှုအချို့ ရပ်ဆိုင်းသွားနိုင်သည့် စိုးရိမ်ရမှုများကြောင့် လူငယ်ရဟတ်ယာဉ်မှူးအသစ်များ အဆက်မပြတ် ပေါ်ထွက်လာစေရန် ရည်ရွယ်၍ ယခုကဲ့သို့ စီစဉ်ရခြင်းဖြစ်သည်။ အဆိုပါ အရေးပေါ်နှင့် ကယ်ဆယ်ရေးရဟတ်ယာဉ်များတွင် အရာရှိချုပ် (Captain) ဖြစ်လာရန် ပျံသန်းမှုအတွေ့အကြုံ နာရီပေါင်း ၁,၀၀၀ ထက်မနည်း လိုအပ်ပြီး၊ ဂျပန်နိုင်ငံတွင် ကယ်ဆယ်ရေးရဟတ်ယာဉ်မှူး ၆၅ ရာခိုင်နှုန်းနှင့် ဆေးဘက်ဆိုင်ရာရဟတ်ယာဉ်မှူး ၇၁ ရာခိုင်နှုန်းခန့်သည် အသက် ၅၀ နှင့်အထက်များ ဖြစ်နေကြသဖြင့် ယခုကဲ့သို့ အစိုးရက ရန်ပုံငွေပံ့ပိုးမှုဖြင့် ပုဂ္ဂလိကလုပ်ငန်းလုပ်ကိုင်သူများ၏ ဝန်ထုပ်ဝန်ပိုးကို လျှော့ချပေးရန် ကြိုးပမ်းလာခြင်း ဖြစ်ကြောင်း သိရသည်။