တရုတ်ကမ်းခြေစောင့်တပ်ဖွဲ့က ထိုင်ဝမ်ကျွန်းအရှေ့ဘက် ပင်လယ်ပြင်တွင် တရားဥပဒေစိုးမိုးရေးကင်းလှည့်မှုများ ဆက်လက်ဆောင်ရွက်လျက်ရှိ

တရုတ်ကမ်းခြေစောင့်တပ်ဖွဲ့ (CCG) သည် ထိုင်ဝမ်ကျွန်းအရှေ့ဘက် ပင်လယ်ပြင်တွင် တရားဥပဒေစိုးမိုးရေး ပုံမှန်ကင်းလှည့်မှုများကို ဥပဒေနှင့်အညီ ဆက်လက်ဆောင်ရွက်လျက်ရှိကြောင်း ကမ်းခြေစောင့်တပ်ဖွဲ့ ပြောရေးဆိုခွင့်ရှိသူ ကျန်းလွှဲ့က ဇူလိုင်လ ၄ ရက်နေ့တွင် ပြောကြားခဲ့သည်။ CCG ၏ ရှို့ဆန်း ရေယာဉ်စုသည် ယခင်ကင်းလှည့်နေသည့် သိုက်ဆန်း ရေယာဉ်စုထံမှ တရားဥပဒေစိုးမိုးရေး ကင်းလှည့်မှုလုပ်ငန်းများကို ဇူလိုင်လ ၄ ရက်နေ့တွင် လွှဲပြောင်းရယူခဲ့ခြင်းဖြစ်သည်။ အဆိုပါ ရေယာဉ်စုများသည် ဇွန်လမှစတင်၍ ကင်းလှည့်စစ်ဆေးခြင်း၊ ငါးလုပ်ငန်းကာကွယ်ရေးနှင့် ကယ်ဆယ်ရေးလုပ်ငန်းများကို လုပ်ဆောင်ခဲ့ပြီး ထိုင်ဝမ်ဒေသခံများအပါအဝင် တရုတ်ငါးဖမ်းသမားများ၏ အကျိုးစီးပွားနှင့် အသက်အိုးအိမ်စည်းစိမ်များကို ကာကွယ်ပေးခဲ့ကြောင်း သိရသည်။ ရှေ့ဆက်၍လည်း တရုတ်နိုင်ငံ၏ တရားစီရင်ပိုင်ခွင့်ရှိ ပင်လယ်ပြင်တွင် ကင်းလှည့်မှုများကို ပိုမိုအားကောင်းစေကာ နိုင်ငံ၏ ပိုင်နက်နယ်မြေအချုပ်အခြာအာဏာနှင့် ပင်လယ်ရေကြောင်း အခွင့်အရေးများကို ပြတ်ပြတ်သားသား ကာကွယ်သွားမည်ဖြစ်ကြောင်း သိရသည်။