MAEX က ၂၀၂၅-၂၀၂၆ ဘဏ္ဍာနှစ်အတွက် ရှယ်ယာတစ်စုလျှင် အမြတ်ဝေစုကျပ် ၂၀၀ ခွဲဝေပေးရန် ဆုံးဖြတ်

မြန်မာအက်ဂရိုအိတ်(စ်)ချိန်း အများနှင့်သက်ဆိုင်သော ကုမ္ပဏီလီမိတက် (MAEX) သည် ၂၀၂၅-၂၀၂၆ ဘဏ္ဍာနှစ်အတွက် သာမန်အစုရှယ်ယာတစ်စုလျှင် ကျပ် ၂၀၀ နှုန်းဖြင့် အမြတ်ဝေစုခွဲဝေပေးရန် အဆိုပြုဆုံးဖြတ်ခဲ့ကြောင်း ဇူလိုင်လ ၁ ရက်နေ့တွင် ထုတ်ပြန်ကြေညာသည်။ အဆိုပါ ဆုံးဖြတ်ချက်ကို ၂၀၂၆ ခုနှစ် မတ်လ ၃၁ ရက်နေ့အထိ ဘဏ္ဍာရေးအခြေအနေများအပေါ် မူတည်၍ ဇွန်လ ၂၉ ရက်နေ့က ကျင်းပခဲ့သည့် ဒါရိုက်တာအဖွဲ့အစည်းအဝေး၌ အတည်ပြုခဲ့ခြင်းဖြစ်ပြီး၊ ယင်းအမြတ်ဝေစု အဆိုပြုချက်ကို ၂၀၂၆ ခုနှစ် ဩဂုတ်လ ၂၆ ရက်နေ့တွင် အွန်လိုင်းစနစ်ဖြင့် ကျင်းပမည့် ဒသမအကြိမ်မြောက် နှစ်ပတ်လည် အထွေထွေအစည်းအဝေး (AGM) ၌ အစုရှယ်ယာရှင်များထံ တင်ပြအတည်ပြုသွားမည်ဖြစ်ကြောင်း သိရသည်။