AI၊ သတ္တုနှင့် စွမ်းအင်ကဏ္ဍ ပူးပေါင်းဆောင်ရွက်မှုမြှင့်တင်ရေး သဘောတူညီချက်များကို အိန္ဒိယနှင့် ဂျပန် လက်မှတ်ရေးထိုး

အိန္ဒိယနှင့် ဂျပန်နိုင်ငံတို့သည် ဉာဏ်ရည်တု (AI)၊ သတ္တုနှင့် စွမ်းအင်ကဏ္ဍများတွင် ပူးပေါင်းဆောင်ရွက်မှု မြှင့်တင်ရေး သဘောတူညီချက်များကို ဇူလိုင်လ ၃ ရက်နေ့က နယူးဒေလီမြို့၌ ကျင်းပသည့် (၁၆) ကြိမ်မြောက် အိန္ဒိယ-ဂျပန် နှစ်ပတ်လည် ထိပ်သီးအစည်းအဝေးတွင် လက်မှတ်ရေးထိုးခဲ့ကြောင်း သိရသည်။ အိန္ဒိယဝန်ကြီးချုပ် နာရင်ဒြာ မိုဒီနှင့် ဂျပန်ဝန်ကြီးချုပ် ဆနာအဲ တာကာအိချီတို့၏ အဆိုပါအစည်းအဝေးအပြီး ပူးတွဲသတင်းစာရှင်းလင်းပွဲတွင် နှစ်နိုင်ငံစီးပွားရေးလုံခြုံရေးဆိုင်ရာ ပူးတွဲအစီအစဉ်တစ်ရပ်ကိုလည်း ရေးဆွဲထားကြောင်း ထုတ်ဖော်ပြောကြားခဲ့ပြီး၊ ဂျပန်၏ တိကျမြင့်မားသော နည်းပညာနှင့် အိန္ဒိယ၏ ဆော့ဖ်ဝဲဖွံ့ဖြိုးရေးစွမ်းရည်တို့ ပေါင်းစပ်မှုသည် ကမ္ဘာလုံးဆိုင်ရာ AI ဖွံ့ဖြိုးတိုးတက်ရေးအတွက် အရှိန်အဟုန်သစ်နှင့် အင်အားသစ်များ ဖန်တီးပေးနိုင်မည်ဖြစ်ကြောင်း ဝန်ကြီးချုပ် မိုဒီက ပြောကြားခဲ့သည်။