ပြည်ပရောက် မြန်မာလုပ်သား ၆ သန်းကျော် ဥပဒေအရ အကာအကွယ်ရရှိရေး ဝန်ကြီးဌာနများ ပူးပေါင်းညှိနှိုင်းရန်လိုအပ်ဟု ပြည်သူ့လွှတ်တော်ဥက္ကဋ္ဌ ပြော

ပြည်ပနိုင်ငံများတွင် သွားရောက်အလုပ်လုပ်ကိုင်နေသည့် မြန်မာအလုပ်သမား ၆ သန်းကျော်အတွက် ဥပဒေကြောင်းအရ ထိရောက်သော အကာအကွယ်များ ရရှိနိုင်စေရန် သက်ဆိုင်ရာဝန်ကြီးဌာနများအကြား ပူးပေါင်းတွေ့ဆုံညှိနှိုင်း၍ မူဝါဒများချမှတ် ဆောင်ရွက်သွားရန် လိုအပ်ကြောင်း ပြည်သူ့လွှတ်တော်ဥက္ကဋ္ဌ ဦးခင်ရီက ပြောကြားသည်။ ပြည်သူ့လွှတ်တော်ဥက္ကဋ္ဌက ဇူလိုင်လ ၂ ရက်နေ့တွင် ပြုလုပ်သည့် ပြည်တွင်း/ပြည်ပ အလုပ်သမားဆိုင်ရာကော်မတီနှင့် တွေ့ဆုံပွဲအခမ်းအနား၌ ထိုကဲ့သို့ ထည့်သွင်းပြောကြားခဲ့ခြင်း ဖြစ်ကြောင်း သိရသည်။