ဗီယက်နမ်နိုင်ငံ၊ ဟိုချီမင်းစီးတီးမြို့တွင် ယာဉ်ကြောပိတ်ဆို့မှု လျှော့ချရန်နှင့် ကာဗွန်ထုတ်လွှတ်မှု လျှော့ချရန် ရည်ရွယ်ပြီး မြို့တွင်းဘတ်စ်ကားလိုင်း ပေါင်း ၁၃၅ လိုင်းအနက် ၁၃၄ လိုင်းကို ယခုနှစ်ကုန် (ဒီဇင်ဘာ ၃၁ ရက်၊ ၂၀၂၆) အထိ အခမဲ့စီးနင်းခွင့်ပြုမည့် စီမံချက်ကို စတင်လိုက်ပြီ ဖြစ်သည်။ယင်းစီမံချက်ကြောင့် ဒေသခံပြည်သူများ၊ အလုပ်သမားများနှင့် ကျောင်းသားလူငယ်များအကြား ခရီးစရိတ် သက်သာစေမှုကြောင့် အလွန်အမင်း ဝမ်းမြောက်ကြိုဆိုနေကြသည်။အာဏာပိုင်များအနေဖြင့်လည်း ဝန်ဆောင်မှုအပိုင်း ပိုမိုကောင်းမွန်လာစေရန်နှင့် အနာဂတ်တွင် သန့်ရှင်းစွမ်းအင်သုံး လျှပ်စစ်ဘတ်စ်ကားများ ပိုမိုတိုးချဲ့ပြေးဆွဲနိုင်ရန် စီစဉ်ဆောင်ရွက်လျက်ရှိကြောင်း သိရသည်။
