နေပြည်တော် ပြည်ထောင်စုနယ်မြေနှင့် မန္တလေးတိုင်းဒေသကြီးတို့တွင် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာနက စီစဉ်ကျင်းပသည့် တရုတ်အစားအစာ ချက်ပြုတ်နည်းသင်တန်းများကို ယမန်နေ့က စတင်ဖွင့်လှစ်ခဲ့ကြောင်း သိရသည်။ တစ်ပတ်ကြာမြင့်မည့် အဆိုပါသင်တန်းများသည် ဟိုတယ်နှင့် ခရီးသွားလုပ်ငန်းကဏ္ဍတွင် လူ့အရင်းအမြစ် ဖွံ့ဖြိုးတိုးတက်စေရန်၊ အစားအသောက်ဆိုင်ရာ ခရီးသွားလုပ်ငန်းမြှင့်တင်ရန်နှင့် နိုင်ငံတကာခရီးသွားဧည့်သည်များအတွက် ဝန်ဆောင်မှု ပိုမိုကောင်းမွန်လာစေရန် ရည်ရွယ်ခြင်းဖြစ်ပြီး သင်တန်းသား ၁၂၀ ဦး တက်ရောက်လျက်ရှိကြောင်း သိရသည်။ ထို့ပြင် အလားတူသင်တန်းများကိုလည်း ရန်ကုန်တိုင်း၊ ရှမ်းပြည်နယ် (တောင်ကြီး) နှင့် မန္တလေးတိုင်း (ပြင်ဦးလွင်) စသည့် အဓိကခရီးသွားလုပ်ငန်းနေရာများ၌ ဇူလိုင်လအတွင်း ဆက်လက်ဖွင့်လှစ်သွားမည်ဖြစ်ကြောင်း သိရသည်။
