ဗီယက်နမ်၊ဟျူးမြို့တွင် တော်ဝင်ကြာပန်းဖြူများ ဝေဆာစွာ ဖူးပွင့်နေသည့် အလှဆုံးရာသီသို့ ရောက်ရှိ

ဗီယက်နမ်နိုင်ငံအလယ်ပိုင်း ဟျူးမြို့ (Hue) တွင် တော်ဝင်ကြာပန်းဖြူ (Royal white lotus) များ တစ်ပြိုင်နက်တည်း အပြည့်အဝ ဖူးပွင့်ဝေဆာနေပြီး အထူးသဖြင့် သမိုင်းဝင် တင်တန်ရေကန် (Tinh Tam Lake) ၌ အလှပဆုံး မြင်တွေ့ရသည်။ ပြီးခဲ့သည့်နှစ်က ကြုံတွေ့ခဲ့ရသည့် ရေကြီးမှုကြောင့် ကန်အတွင်းရှိ အညစ်အကြေးများ သဘာဝအတိုင်း သန့်စင်သွားပြီး အနည်အနှစ်ကောင်းများ ကျန်ရစ်ခဲ့သဖြင့် ယခုနှစ်တွင် ကြာပန်းများ ပိုမိုဖွံ့ဖြိုးလာခြင်း ဖြစ်သည်။ကြာပန်းရာသီနှင့်အတူ "Ngu Lien Thuc Thuy" (တော်ဝင်ကြာပန်း နိုးထခြင်း) ဟု အမည်ရသည့် ဟျူးကြာပန်းပွဲတော် ၂၀၁၆ ကိုလည်း အဆိုပါ ရေကန်၌ ခမ်းနားစွာ ကျင်းပခဲ့ရာ ဧည့်သည်တော်ပေါင်းများစွာ လာရောက်ခဲ့ကြသည်။ ပွဲတော်တွင် မီးရောင်စုံ၊ ဂီတနှင့် တော်ဝင်ကြာပန်းအစားအစာများကို ပေါင်းစပ်ထားသည့် "Thuc Thuy Show" ဖျော်ဖြေပွဲ၊ ကြာဖျော်ရည်နှင့် ကြာရွက်ခေါက်ဦးထုပ်လုပ်နည်း အလုပ်ရုံဆွေးနွေးပွဲများ ပါဝင်သည်။ ဟျူးမြို့၏ တော်ဝင်ကြာစေ့သည် နူးညံ့ပြီး မွှေးကြိုင်သောကြောင့် ကျော်ကြားပြီး ယခုအခါ ကုန်းကတ္တီပါတံတိုင်းများမှသည် နန်းတော်ကျုံးများအထိ ကြာပန်းဖြူများဖြင့် လှပလျက်ရှိကြောင်း သိရသည်။