ကမ္ဘောဒီးယား၏ စက်သုံးဆီဈေးနှုန်းများ ဒေသတွင်းနိုင်ငံများထက် လျော့နည်းကျဆင်း

ကမ္ဘောဒီးယားနိုင်ငံသည် စက်သုံးဆီလိုအပ်ချက်အားလုံးနီးပါးကို ပြည်ပမှ ရာနှုန်းပြည့် တင်သွင်းနေရသော်လည်း လက်ရှိတွင် နိုင်ငံတွင်း ရောင်းချနေသည့် ဓာတ်ဆီနှင့် ဒီဇယ်ဆီဈေးနှုန်းများသည် အိမ်နီးချင်း ဒေသတွင်းနိုင်ငံများနှင့် နှိုင်းယှဉ်ပါက သိသာစွာ လျော့နည်းကျဆင်းနေကြောင်း ကမ္ဘောဒီးယား စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ထုတ်ပြန်ချက်အရ သိရသည်။ကမ္ဘောဒီးယားအစိုးရသည် ပြည်တွင်းကုန်ဈေးနှုန်း အဆမတန် မြင့်တက်မသွားစေရန်နှင့် အများပြည်သူတို့၏ လူမှုစီးပွားဘဝ သက်သာချောင်ချိစေရန်အတွက် စက်သုံးဆီအပေါ် ကောက်ခံသည့် အခွန်နှုန်းထားများကို ညှိနှိုင်းလျှော့ချပေးခြင်းနှင့် ကုန်သွယ်မှုဆိုင်ရာ မဟာဗျူဟာများကို ထိရောက်စွာ အသုံးပြုခြင်းတို့ကြောင့် ယခုကဲ့သို့ ဆီဈေးနှုန်းများကို အခြားဒေသတွင်းနိုင်ငံများထက် သက်သာအောင် ထိန်းထားနိုင်ခြင်း ဖြစ်သည်။ ဝန်ကြီးဌာနအနေဖြင့် ကမ္ဘာ့ရေနံဈေးကွက် အလှုပ်အခတ်များကို အမြဲမပြတ် စောင့်ကြည့်နေပြီး ပြည်တွင်းရှိ စက်သုံးဆီအရောင်းဆိုင်များကိုလည်း သတ်မှတ်ထားသည့် အခြေခံရည်ညွှန်းဈေးနှုန်းအတိုင်းသာ ရောင်းချရန် စနစ်တကျ ကြပ်မတ်လျက်ရှိကြောင်း သိရသည်။