ကမ္ဘာ့ဖလားရှုံးထွက်အဆင့်၌ အမ်ဘာပေ ၁၀ ဂိုးဖြင့် စံချိန်သစ်တင်ကာ ဒုတိယဂိုးသွင်းအများဆုံးအဖြစ် ရပ်တည်

ပြင်သစ်တိုက်စစ်မှူး အမ်ဘာပေသည် ဆွီဒင်အသင်းအား ၃-၀ ဂိုးဖြင့် အနိုင်ရသည့်ပွဲတွင် ၂ ဂိုး သွင်းယူနိုင်ခဲ့ခြင်းကြောင့် ကမ္ဘာ့ဖလားရှုံးထွက်အဆင့် သမိုင်းတစ်လျှောက် ဂိုးအများဆုံးသွင်းသူအဖြစ် စုစုပေါင်း ၁၀ ဂိုးဖြင့် စံချိန်သစ်တင် မှတ်တမ်းဝင်ခဲ့သည်။ ယင်းလုပ်ဆောင်မှုကြောင့် ဘရာဇီးလ်ကစားသမားများဖြစ်ကြသည့် လီယိုနီဒက်စ်နှင့် ရော်နယ်လ်ဒိုတို့ တင်ရှိထားသော ရှုံးထွက်အဆင့် ၈ ဂိုးစံချိန်ကို ကျော်ဖြတ်နိုင်ခဲ့ခြင်းဖြစ်ပြီး၊ ၂၀၁၈ ကမ္ဘာ့ဖလားမှ စတင်ကစားခဲ့သည့် အမ်ဘာပေအတွက် ၃ ကြိမ်မြောက် ကမ္ဘာ့ဖလားပြိုင်ပွဲအတွင်း စံချိန်တင်နိုင်ခဲ့ခြင်းလည်း ဖြစ်သည်။ ၎င်းသည် ကမ္ဘာ့ဖလားပွဲစဉ် ၁၈ ပွဲ ကစားအပြီးတွင် စုစုပေါင်း သွင်းဂိုး ၁၈ ဂိုး (၂၀၁၈ တွင် ၄ ဂိုး၊ ၂၀၂၂ တွင် ၈ ဂိုး၊ ၂၀၂၆ တွင် ၆ ဂိုး) ရှိလာခဲ့ရာ လက်ရှိတွင် မက်ဆီ၏အောက် တစ်ဂိုးအကွာဖြင့် သမိုင်းတစ်လျှောက် ဒုတိယဂိုးသွင်းအများဆုံးအဖြစ် ရပ်တည်နေပြီး၊ ယခု ၂၀၂၆ ကမ္ဘာ့ဖလားပြိုင်ပွဲတွင်လည်း ၆ ဂိုးစီဖြင့် မက်ဆီနှင့်အပြိုင် ဂိုးသွင်းဘုရင်ဆုအတွက် ပြိုင်ဆိုင်လျက်ရှိသည်။ ထို့ပြင် ပြင်သစ်အသင်းသည်လည်း ကမ္ဘာ့ဖလားပြိုင်ပွဲ၌ ၃ ဂိုးနှင့်အထက် ၅ ပွဲဆက်တိုက် သွင်းယူနိုင်သည့် ပထမဆုံးအသင်းအဖြစ် စံချိန်တင်နိုင်ခဲ့ကြောင်း သိရသည်။