“မျိုးဥအိမ် ရေအိတ်တည်ခြင်းရောဂါ” (PCOS) အား “အမျိုးသမီးဆိုင်ရာ ဟော်မုန်းမညီမျှခြင်းနှင့် ဇီဝဖြစ်စဉ်ဆိုင်ရာ ရောဂါ” (PMOS) ဟု အမည်သစ် ပြောင်းလဲသတ်မှတ်

မျိုးပွားနိုင်သည့် အသက်အရွယ်ရှိ အမျိုးသမီး ၈ ဦးတွင် ၁ ဦးနှုန်းဖြစ်ပွားနေပြီး တစ်ကမ္ဘာလုံး၌ ဖြစ်ပွားသူဦးရေ သန်း ၁၇၀ ဝန်းကျင်ရှိသည့် “မျိုးဥအိမ် ရေအိတ်တည်ခြင်းရောဂါ” (Polycystic Ovary Syndrome - PCOS) အား “အမျိုးသမီးဆိုင်ရာ ဟော်မုန်းမညီမျှခြင်းနှင့် ဇီဝဖြစ်စဉ်ဆိုင်ရာ ရောဂါ” (Polycystic Metabolic and Ovarian Syndrome - PMOS) ဟု အမည်သစ် ပြောင်းလဲသတ်မှတ်လိုက်ကြောင်း သိရသည်။ ယခင်အမည် PCOS သတ်မှတ်ချက်သည် မျိုးဥအိမ်ရေအိတ်နှင့်သာ သက်ဆိုင်သည့်ရောဂါဟု အဓိပ္ပာယ်သက်ရောက်စေသော်လည်း၊ လက်တွေ့တွင် မျိုးဥအိမ်၌ ရေအိတ်လုံးဝမရှိဘဲ ရောဂါဖြစ်ပွားနိုင်ခြင်းများ ရှိနေသောကြောင့် အမျိုးသမီးများ၏ ဟော်မုန်းနှင့် ဇီဝဖြစ်စဉ်ဆိုင်ရာ ကျန်းမာရေးပြဿနာများကို ပိုမိုထင်ဟပ်စေရန် ယခုကဲ့သို့ အမည်သစ် ပြောင်းလဲသတ်မှတ်ရခြင်းဖြစ်ကြောင်း သိရသည်။