ယူအေအီးနိုင်ငံ၊ရှာဂျာမြို့၌ လမ်းပြင်ဆင်မှုကြောင့် ဒေသခံများ သွားလာရေးပုံစံ ပါ ပြောင်းလဲလာရ

အာရပ်စော်ဘွားများပြည်ထောင်စု (UAE) ရှာဂျာ (Sharjah) မြို့ရှိ အဓိကလမ်းမကြီးများတွင် လမ်းပြင်ဆင်ရေးလုပ်ငန်းများ လုပ်ဆောင်နေသည်။ ထို့ကြောင့် ပြင်းထန်သော ယာဉ်ကြောပိတ်ဆို့မှုများ ဖြစ်ပေါ်လျက်ရှိရာ ဒေသခံများသည် သွားလာရေး အဆင်ပြေစေရန် နည်းလမ်းမျိုးစုံဖြင့် ပြောင်းလဲပြင်ဆင်လာကြသည်။ဒေသခံအများစုသည် လောင်စာဆီစရိတ် သက်သာစေရန်နှင့် ယာဉ်ကြောပိတ်ဆို့မှု လျှော့ချရန်အတွက် ကားအတူမျှစီးခြင်း (Carpooling) ကို ပိုမိုလုပ်ဆောင်လာကြသည်။ ထို့ပြင် ရုံးများနှင့် ဝေးကွာသောနေရာများတွင် ကားရပ်နားပြီး လမ်းလျှောက်သွားခြင်း သို့မဟုတ် အများပြည်သူသုံး ဘတ်စကားများကို ပြောင်းလဲစီးနင်းခြင်းဖြင့် အချိန်ကို ချွေတာနေကြသည်။ လက်ရှိတွင် ပို့ဆောင်ရေးအာဏာပိုင်များကလည်း ယာဉ်ကြောကျပ်တည်းမှု သက်သာစေရန် ယာဉ်လမ်းကြောင်းလွှဲခြင်းများကို ကူညီဆောင်ရွက်ပေးနေကြောင်း သိရသည်။