ယူအေအီး၊ ရှာဂျာရဲတပ်ဖွဲ့က စီးပွားရေးလုပ်ငန်းများအတွက် ဒဏ်ငွေနှင့် လိုင်စင်ကြေးများကို ၃ လကြာ ၅၀ ရာခိုင်နှုန်း လျှော့ချပေးမည်ဖြစ်

အာရပ်စော်ဘွားများပြည်ထောင်စု (UAE) ရှာဂျာ (Sharjah) မြို့ အမှုဆောင်ကောင်စီ၏ ဆုံးဖြတ်ချက်အရ ရှာဂျာရဲတပ်ဖွဲ့သည် စီးပွားရေးလုပ်ငန်းများ၏ ကုန်ကျစရိတ် ဝန်ထုပ်ဝန်ပိုးကို လျှော့ချရန်နှင့် ရင်းနှီးမြှုပ်နှံမှု ကဏ္ဍကို မြှင့်တင်ရန်အတွက် စီးပွားရေးဆိုင်ရာ ဒဏ်ငွေများနှင့် လိုင်စင်ကြေးများကို ၃ လကြာ ၅၀ ရာခိုင်နှုန်း လျှော့ချပေးမည့် မက်လုံးပေးအစီအစဉ်တစ်ရပ်ကို ထုတ်ပြန်လိုက်သည်။အဆိုပါ အစီအစဉ်အရ စီးပွားရေးလုပ်ငန်းဆိုင်ရာ လုံခြုံရေးခွင့်ပြုမိန့် (Security permit) သက်တမ်းတိုးကြေးများ၊ စီးပွားရေးလုပ်ငန်းများအပေါ် ချမှတ်ထားသည့် ဒဏ်ငွေများနှင့် ရဲတပ်ဖွဲ့၏ လုံခြုံရေးစနစ် အဖွဲ့ဝင်ကြေးများကို ၅၀ ရာခိုင်နှုန်းအထိ လျှော့ချပေးမည် ဖြစ်သည်။ ထို့ပြင် ကုမ္ပဏီများအတွက် မဖြစ်မနေတက်ရောက်ရမည့် လေ့ကျင့်ရေးသင်တန်းကြေးများကိုလည်း ၂၀ ရာခိုင်နှုန်း လျှော့ချပေးမည်ဖြစ်ပြီး သက်တမ်းလွန်မော်တော်ယာဉ်များအတွက် နောက်ကျကြေးများကိုလည်း ကင်းလွတ်ခွင့်ပြုမည်ဖြစ်သည်။ ဤသက်သာခွင့် အစီအစဉ်များသည် စတင်အသက်ဝင်သည့်နေ့မှစ၍ ၃ လကြာ ထိရောက်မှုရှိမည်ဖြစ်ကြောင်း သိရသည်။