ဗီယက်နမ်နိုင်ငံ၊ဟိုချီမင်းမြို့၏ ၅၀ ကြိမ်မြောက် နှစ်ပတ်လည်ပွဲအတွက် အဓိကလမ်းများကို ပိတ်မည်ဖြစ်

ဗီယက်နမ်နိုင်ငံ ဟိုချီမင်းစီးတီး ရဲတပ်ဖွဲ့သည် ဆိုင်ဂုံ-ဂီယာဒင်မြို့ကို သမ္မတ ဟိုချီမင်း၏ အမည်သို့ ပြောင်းလဲခေါ်ဝေါ်ခဲ့သည့် ၅၀ ကြိမ်မြောက် နှစ်ပတ်လည် အထိမ်းအမှတ်ပွဲတော် (ဇူလိုင်လ ၂ ရက်) ကျင်းပရန်အတွက် မြို့လယ်ရှိ အဓိကလမ်းမကြီးအချို့ကို ယာယီ ယာဉ်ကြောကန့်သတ်ပိတ်ဆို့သွားမည် ဖြစ်သည်။ယာဉ်ကြောပိတ်ဆို့မည့် အချိန်များမှာ ဇူလိုင်လ ၂ ရက် (ကြာသပတေးနေ့) နံနက် ၆ နာရီမှ ၈ နာရီအထိ တစ်ကြိမ်၊ နှင့် နံနက် ၁၀ နာရီမှ မွန်းတည့် ၁၂ နာရီအထိ တစ်ကြိမ် ဖြစ်သည်။ အဆိုပါ ကန့်သတ်ချက်သည် ခရီးသည် ၉ ဦးနှင့်အထက်စီး ကားများ၊ ၁,၅၀၀ ကီလိုဂရမ်နှင့်အထက် ကုန်တင်ကားများနှင့် အများပြည်သူစီး ဘတ်စကားများကို အဓိက ကန့်သတ်ခြင်း ဖြစ်သည်။ အဓိက ပိတ်မည့်လမ်းများတွင် Nam Ky Khoi Nghia, Nguyen Thi Minh Khai, Pasteur နှင့် Le Duan လမ်းပိုင်းများ ပါဝင်ပြီး ယာဉ်မောင်းများအနေဖြင့် ရဲတပ်ဖွဲ့ ညွှန်ကြားသည့်အတိုင်း Ham Nghi နှင့် Tran Hung Dao လမ်းများဘက်သို့ လွှဲမောင်းကြရန် အသိပေးထားကြောင်း သိရသည်။