ထိုင်းနိုင်ငံ၊မဲဆောက်တွင် အွန်လိုင်းလောင်းကစားဝက်ဘ်ဆိုက် အက်ဒမင် မြန်မာအမျိုးသမီးနှစ်ဦး ဖမ်းဆီးခံရ

ထိုင်းနိုင်ငံ၊ တာ့ခ်ခရိုင် မဲဆောက်မြို့နယ်၊ မယ်ပကျေးရွာအုပ်စုရှိ နေအိမ်တစ်လုံးကို ဇွန်လ ၃၀ ရက်နေ့ နံနက်ပိုင်းက ထိုင်းဆိုက်ဘာရဲတပ်ဖွဲ့က ဝင်ရောက်စီးနင်းခဲ့ရာ တစ်လလျှင် လည်ပတ်ငွေ ဘတ်သန်း ၇၀ ကျော်ရှိပြီး ၂၀၂၆ ကမ္ဘာ့ဖလားကာလအတွင်း လောင်းကစားဝန်ဆောင်မှု တိုးချဲ့နေသည့် "Las Vegas LV177" အွန်လိုင်းလောင်းကစားဝက်ဘ်ဆိုက်တွင် လစာ ဘတ်သုံးသောင်းဖြင့် အက်ဒမင်လုပ်ကိုင်နေသည့် မြန်မာအမျိုးသမီးနှစ်ဦးဖြစ်သော မသန္တာနှင့် မစီဇာညွန့်တို့ကို ဖမ်းဆီးရမိခဲ့သည်။ အဆိုပါ စီးနင်းမှုအတွင်း ကွန်ပျူတာများ၊ ဖုန်းများ၊ ဘဏ်စာအုပ်များနှင့်အတူ ငွေသား ဘတ်သုံးသောင်းခွဲခန့်နှင့် လက်ဝတ်လက်စားများကို သက်သေခံပစ္စည်းအဖြစ် သိမ်းဆည်းရမိခဲ့ပြီး၊ ထိုင်းရဲတပ်ဖွဲ့၏ အွန်လိုင်းရာဇဝတ်မှု နှိမ်နင်းရေးမူဝါဒအရ ဖမ်းဆီးရမိသူများကို မဲဆောက်ရဲစခန်းသို့ လွှဲပြောင်းကာ ကွန်ရက်အတွင်း ပါဝင်ပတ်သက်သူများကို ငွေကြေးလမ်းကြောင်းမှတစ်ဆင့် ဆက်လက်ဖော်ထုတ်လျက်ရှိကြောင်း သိရသည်။