တရုတ်နှင့် ဥရောပသမဂ္ဂတို့ ကုန်သွယ်မှုနှင့် ရင်းနှီးမြှုပ်နှံမှု ဆွေးနွေးညှိနှိုင်းရေးယန္တရား တရားဝင်စတင်

တရုတ်နိုင်ငံနှင့် ဥရောပသမဂ္ဂ (အီးယူ) တို့သည် ကုန်သွယ်မှုနှင့် ရင်းနှီးမြှုပ်နှံမှု ဆွေးနွေးညှိနှိုင်းရေးယန္တရားကို တရားဝင်ထူထောင်လိုက်ပြီး ပထမအကြိမ်အစည်းအဝေးကို ဇွန်လ ၂၉ ရက်က ဘယ်လ်ဂျီယမ်နိုင်ငံ ဘရပ်ဆဲလ်မြို့၌ ကျင်းပခဲ့သည်။ အဆိုပါအစည်းအဝေးကို တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီး ဝမ်ဝန်ထောင်းနှင့် ဥရောပကော်မရှင်နာ မာရို့စ် ဆက်ဖ်ကိုဗစ်တို့က သဘာပတိအဖြစ် ပူးတွဲကျင်းပခဲ့ကြပြီး ကုန်သွယ်မှုနှင့် ရင်းနှီးမြှုပ်နှံမှု ဟန်ချက်ညီညှိမှု၊ ပို့ကုန်ထိန်းချုပ်မှု၊ ဉာဏပစ္စည်းမူပိုင်ခွင့်များနှင့် WTO ပြုပြင်ပြောင်းလဲမှုစသည့် ကနဦးလုပ်ငန်းနယ်ပယ် ၄ ခုကို ဖော်ထုတ်ခဲ့ကြသည်။ နှစ်ဖက်စလုံးအနေဖြင့် ပူးတွဲစောင့်ကြည့်ရေးယန္တရားထူထောင်ရန်၊ ကုန်သွယ်ရေးပဋိပက္ခများကို စီမံကိုင်တွယ်ရန်၊ မြေရှားသတ္တုနှင့် အရေးကြီးကုန်ကြမ်းများဆိုင်ရာ ပို့ကုန်ထိန်းချုပ်မှုကို ဆွေးနွေးရန်နှင့် ကမ္ဘာလုံးဆိုင်ရာ ထောက်ပံ့ကွင်းဆက်တည်ငြိမ်ရေးတို့အတွက် ပူးပေါင်းဆောင်ရွက်သွားရန် သဘောတူညီခဲ့ကြကြောင်း ဇွန်လ ၃၀ ရက် ပူးတွဲကြေညာချက်အရ သိရသည်။